مقبوضہ بیت المقدس۔15اکتوبر (اے پی پی) غزہ تے اسرائیلی فضائی حملے اچ حماس دی حراست اچ 9یرغمالی ہلاک تھی ڳئے۔ چینی خبررساں ادارے موجب حماس دے مسلح ونگ القسام بریگیڈز ہک بیان اچ آکھیا جو اسرائیلی فضائی حملے اچ حماس دی حراست اچ چار غیر ملکیاں سودھے نو یرغمالی ماریے ڳئن۔ انہاں ٻیا ݙسیا جو گزریل ݙینھ فضائی حملیاں اچ 13 یرغمالی ماریے ڳئن۔ واضح راہوے جو حماس اسرائیلی علاقے اچ حملے اچ ٻہوں تعداد اچ لوکاں کوں یرغمال ٻݨائے اتے ہݨ تئیں ایں تنازعے اچ ݙوہیں پاسوں 3000 توں ودھ ہلاکتاں اتے اوں توں ودھ زخمی تھی ڳئن۔
