اسلام آباد۔20اکتوبر(اے پی پی) ڈاکٹر نجیبہ عارف اے پی پی سرائیکی نیوز سروس نال ڳالھ مہاڑ کریندے ہوئیں آکھیے جو ادب معاشرے اچ اہم کردار ادا کریندے، ادب ساݙے معاشرے دا سافٹ امیچ ہوندے، اے ساݙے معاشرے دا مثبت چہرہ اے، اے معاشرے اچ محبت انسان دوستی، اخوت اتے امن دے جذبات ودھیندے،انہاں آکھیے اے نہ صرف آپݨے معاشرے دی عکاسی کریندے جڈاں جو آپݨے معاشرے دی رہنمائی وی کریندے۔انہاں آکھیے اے معاشرے کوں رستہ وی ݙکھیندے۔ انہاں دا بیا آکھنڑ ہا ادب کہیں وی معاشرے دے انساناں کوں رہݨ دے قابل بݨیندے، اوندے اچ انساناں کیتے گنجائش پیدا کریندے، انہاں آکھیے ادب ھک ݙوجھے کوں نیڑے گھن آوݨ سانڳے ھک پل بݨیندے تے ھک ݙوجھے کوں سمجھݨ اچ مدد ݙیندے۔ایں حوالے نال نہ صرف ادب بلکہ معاشرے اچ ادب نال تعلق رکھݨ آلیاں ساریاں سرگرمیاں معاشرے کوں بہتر سماج بݨاوݨ اچ مدد ݙیندے۔
ogo
