مظفرگڑھ۔ 25 اکتوبر (اے پی پی) اٹھویں تھل جیپ ریلی 9 نومبر توں 12 نومبر تئیں جاری رہسی۔ شیڈول جاری کر ݙتا ڳئے۔ ضلعی انتظامیہ دے مطابق ہیڈ محمد والہ دے ریت ٹیلیاں توں شروع تھیوݨ آلی تھل جیپ ریلی 9 نومبر توں 12 نومبر 2023 تئیں جاری رہسی۔ تھل جیپ ریلی دے پہلے ݙینھ 9 نومبر کوں گاݙیاں دی رجسٹریشن، ٹیگنگ، میڈیکل چیک اپ، تھل جیپ ریلی دے ݙوجھے ݙینھ 10 نومبر کوالیفائنگ راؤنڈ ہوسی اتے 11نومبر کوں سٹاک کیٹگری ریس تھیسی۔ 12 نومبر کوں موڈیفائیڈ وہیکل اینڈ وومن کیٹگری ریس اتے شام کوں انعامات ݙیوݨ دی تقریب تھیسی۔ اٹھویں تھل جیپ ریلی ٹورازم ڈویلپمنٹ کارپوریشن پنجاب اتے ضلعی انتظامیہ مظفرگڑھ دے تعاون نال کرائی ویندی پئی اے۔
