ملتان۔ 25 اکتوبر (اے پی پی)ایڈیشنل چیف سیکرٹری جنوبی پنجاب کیپٹن(ر) ثاقب ظفرآکھیے نشترہسپتال وارڈزدی اپ گریڈیشن منصوبے دے تعمیراتی معیار تے کوئی سمجھوتہ نہ کیتا ویسی ۔ایڈیشنل چیف سیکر ٹری جنوبی پنجاب ٻدھ کوں نشترہسپتال دادورہ کیتے اتھاں ھک ارب 10 کروڑ روپے دی لاڳت نال نشتر ہسپتال اچ جاری وارڈز دی اپ گریڈیشن، ری ویمپنگ اتے کم کار دا جائزہ ڳھدے ۔ایں موقع تے سیکرٹری سپیشلائزڈ ہیلتھ کئیر جنوبی پنجاب افضل ناصر خان وی انہاں دے رلے ہن ۔ایڈیشنل چیف سیکرٹری جنوبی پنجاب ہسپتال دے مختلف وارڈزاچ مشینری اتے سٹورزدامعائنہ کیتے ،میڈیکل آلات اتے انفرا سٹرکچر بارے تفصیل پچھی ۔ کیپٹن (ر)ثاقب ظفر مختلف وارڈز اچ زیرعلاج مریضاں دی عیادت کیتی تے انہاں دے لواحقین توں علاج دیاں سہولتاں دا پچھیا ۔وائس چانسلر نشتر میڈیکل یو نیورسٹی پروفیسرڈاکٹررانا الطاف اتےایم ایس ڈاکٹر امجد راؤ کیپٹن(ر) ثاقب ظفر کوں ہسپتال بارے بریفنگ ݙتی ۔ ایں موقع تے آپݨی ڳالھ مہاڑ اچ ایڈیشنل چیف سیکرٹری جنوبی پنجاب آکھیے ساریاں ضرورتاں کوں سامݨے رکھیندے ہوئیں نشتر ہسپتال دے وارڈزدی اپ گریڈیشن کیتی ویندی پئی اے ،نشترہسپتال ایں خطے دا وݙا ہسپتال اے جتھاں جنوبی پنجاب دے نال جڑیے ٻئے صوبیں دے دے عوام وی علاج دیاں سہولتاں توں فیدہ چیندن ۔
