ملتان۔ 26 اکتوبر(اے پی پی) جنوبی پنجاب سیکرٹریٹ سرکاری محکمیں اچ ٹینڈرنگ اتے خریداری دے عمل اچ شفافیت گھن آوݨ کیتے ای پروکیورمنٹ دا سسٹم متعارف کراوݨ دا فیصلہ کیتے ،تفصیل موجب خمیس کوں ایڈ یشنل چیف سیکرٹری جنوبی پنجاب کیپٹن(ر) ثاقب ظفر دی صدارت اچ ای پروکیورمنٹ سسٹم بارے جائزہ اجلاس تھئے ۔ سیکرٹری زراعت جنوبی پنجاب ثاقب علی عطیل، سیکرٹری پرائمری اینڈ سیکنڈری ہیلتھ کئیر جنوبی پنجاب محمد حیات لک،سیکرٹری فاریسٹ سرفرازخان مگسی، سیکرٹری سروسسز انجیئر امجد شعیب خان ترین ، سیکرٹری سپشلائزڈ ہیلتھ کئیر افضل ناصرخان سودھے محکمہ ہاوسنگ، ہائر ایجو کیشن، سکول ایجوکیشن اتے ہوم ڈیپارٹنمنٹ دے ایڈیشنل سیکرٹریز شرکت کیتی۔ایں موقع تے ڳالھ کریندے ہوئیں ثاقب ظفر آکھیے چیف سیکرٹری پنجاب سارے سرکاری محکمیں اچ ای پروکیورمنٹ سسٹم لانچ کرݨ چاہندن ،ویلھے دا تقاضا اے جو ٹینڈرنگ دا پراݨا نظام ترک کرتے ڈیجالائزڈ سسٹم اپنایا ونڄے۔انہاں آکھیے ترقیاتی منصوبیں بارے ٹینڈرنگ اتےمختلف آرٹیکلز مل گھنݨ سانڳے ای پروکیور منٹ سسٹم بہترین ماڈل اے،ای پروکیورنمنٹ دا سسٹم پوری دنیا اچ رائج اے،ای پروکیورمنٹ دے الیکٹرانک سسٹم نال ویلھے دی بچت تھیسی ۔انہاں مزید آکھیے نویں ںظام دے تحت ٹینڈرز دی ٻولی تے منظوری آن لائن ݙتی ونڄ سڳسی ۔
