اسلام آباد۔30اکتوبر (اے پی پی سرائیکی سروس) نامور ادیب تے سابق سیکریٹری ایجوکیشن جناب منیر احمد بادینی آکھیا جو جیڑھا حق میں بلوچی کوں ݙینداں اوہو میں سرائیکی، پشتو اتے سندھی کوں ݙینداں۔مشرقی بلوچستان اچ ٻہوں حصہ سرائیکی بولیندے، سرائیکی کوں قومی زبان دے طور سنڄاݨ ݙتی ونجݨی چاہیدی اے، سرائیکی زبان پاکستان دا ٻہوں وݙا سرمایہ اے۔بلوچستان اچ سرائیکی زبان مضمون دے طور تے پڑھاوݨی چاہیدی اے۔ اے ڳالھیں انہاں اے پی پی سرائیکی نیوز سروس کوں خصوصی انٹرویو ݙیندیں ہوئیں آکھی۔