اقوام متحدہ ۔16نومبر(اے پی پی) اقوام متحدہ دی سلامتی کونسل غزہ اچ جاری جنگ اچ انسانی ہمدردی دی بنیاد تے وݙی مدت وقفیں تے غزہ دی پٹی اچ امداد دی فراہمی دے مطالبے تے مبنی قرارداد منظور کرڳھدی تاں جو اسرائیل ایں قرار داد کوں مسترد کرݙتے ۔ ایں قرارداد اچ آکھیا ڳئے جو غزہ اچ انسانی بنیاداں تے جنگ اچ وݙی مدت وقفے کیتے ونڄن تے غزہ دی پٹی اچ کئی ݙینھ تئیں انسانی امداد ݙیوݨ کوں یقینی بݨایا ونڄے ، عام شہریاں خصوصاً ٻالاں دی حفاظت تے یرغمالیاں کوں غیر مشروط طور تے رہا کیتا ونڄے ۔ قرارداد فریقین توں بین الاقوامی قانون دی پاسداری دا مطالبہ کیتا ڳئے اے قرار دادمالٹا دی طرفوں پیش کیتی ڳئی جیں دے حق اچ سلامتی کونسل دے 15 اچوں 12 رکن ملکاں ووٹ ݙتا ، مخالفت اچ کہیں ووٹ نی ݙتا جݙاں جو 3 مستقل ارکان امریکا، بر طانیہ تے روس حصہ نی ڳھدا ۔اسرائیل اقوام متحدہ دی سلامتی کونسل دی طرفوں غزہ اچ جاری اسرائیلی فوج دیاں کارروائیاں اچ انسانی ہمدردی دی بنیاد تے وݙے وقفے دی قرارداد مسترد کرݙتی اے ۔
