خرطوم ۔23نومبر(اے پی پی) سوڈان دی خودمختاری کونسل دے صدر عبدالفتاح البرہان 4 حکومتی وزیر تے 6 ریاستی گورنراں کوں برطرف کرݙتے ۔ سعودی خبررساں ادارے موجب کونسل ھک بیان اچ آکھیے ایں فیصلے دے نتیجے اچ وزیر داخلہ خالد محی الدین، وزیر انصاف محمد الحلو، وزیر صنعت بتول عوض اتے وزیر مذہبی امور و اوقاف عبد العاطی عباس کوں برطرف کیتا ڳئے تاں جو انہاں دی برطرفی دی دوجہ نی ݙسائی ڳئی ۔عبد الفتاح البرہان برطرف کیتے ونڄݨ آلے ویزراں دی جاہ خلیل امرقل کوں وزیر داخلہ، معاویہ خیر کوں وزیر انصاف، محاسن یعقوب کوں تریمت وزیر صنعت اتے اسامہ احمد کوں مذہبی امور و اوقاف دا وزیر مقرر کرݨ دا فیصلہ کیتے ۔صدر عبدالفتاح البرہان 6 ریاستاں الجزیرہ، کسلا، شمالی ریاست، مغربی کردفان، وسطی دارفور اتے جنوبی دارفور دے گورنراں کوں وی برطرف کرݙتے ۔ اے اقدام اوں ویلھے سامݨے آئے جݙاں اقوام متحدہ دے انڈر سیکرٹری جنرل انسانی امور اتے ہنگامی امداد دے کوآرڈینیٹر مارٹن گریفتھس اڄوکے بیان اچ آکھیے سوڈان اچ 7 مہینے توں ودھ عرصے توں جاری جھیڑا مکدا نظر نی آندا پیا ۔
