اسلام آباد۔23نومبر(ڈاکٹر سعدیہ کمال،اے پی پی سرائیکی نیوز سروس) ریڈیو پاکستان ملتان دے اسٹیشن ڈائریکٹر ڈاکٹر خالد اقبال ریٹائر تھی گئین۔ ڈاکٹر خالد اقبال اے پی پی نال گالھ مہاڑ کریندے آکھے جو میڈی ریٹائرمنٹ دے موقع تے دعائیں نیک تمناواں میڈا وݙا ترکہ ہین، ساݙے کیتے ریڈیو دا عملہ ہکے ٹٻر آلی کار اے، مین اپݨی حیاتی دا وݙا حصہ ریڈیو پاکستان اچ گذاریے اتے سرگودھا اتے بہاولپور اچ وی کم کیتے۔ ریڈیو پاکستان بہاول پور توں آواز فورم دے احباب، ملک سعید ایڈوکیٹ، سعید احمد سلطان، عبدالمجید بخاری، طلعت محمود، عمار حسن، ام کلثوم، عطیہ منیر، شہناز عندلیب، ثمینہ رفیق، ہنزاگل ملݨ آئن تے میں انہاں دا تھوریت ہاں۔ انہاں نیک تمنائیں ݙیوݨ اتے ملݨ آوݨ آلے سنگٹی ٻھراواں اتے عملے دا شکریہ ادا کیتے۔
