جنیوا۔30نومبر(اے پی پی) عالمی ادارہ صحت (ڈبلیو ایچ او ) غزہ اچ قیدیاں دی رہائی اتے مستقل جنگ بندی دا مطالبہ کیتے تاں جو امداد ݙیوݨ دا کم جاری رکھیا ونڄ سڳے ۔ برطانوی اخبار انڈیپنڈنٹ اردو موجب ڈبلیو ایچ او غزہ اچ مفلوج نظام صحت تے تشویش کریندے ہوئیں آکھیے غزہ اچ جنگ بندی ممکن اے جݙاں جو اثر و رسوخ رکھݨ آلے ملک ایں تے عمل درآمد سانڳے خاطر خواہ اقدامات نی کریندے پئے ۔ڈبلیو ایچ او دے ڈائریکٹر جنرل ٹیڈروس ایڈہانوم گیبریسس ھک پریس کانفرنس توں خطاب اچ آکھیے لڑائی ول شروع تھیوݨ دا ݙر اے تے موجودہ جنگ بندی خمیس دی سویل تئیں مکݨ آلی اے ۔ ڈبلیو ایچ او دے سربراہ غزہ اچ قیدیاں دی رہائی اتے مستقل فائر بندی دا مطالبہ کیتے تاں جو امداد دی فراہمی جاری رکھی ونڄ سڳے تے شہریاں دی مزید مشکلات کوں گھٹ کیتا ونڄ سڳے ۔
