اسلام آباد۔30نومبر (اے پی پی سرائیکی نیوز سروس, ڈاکٹر سعدیہ کمال) تریمتیں تے تشدد دے خلاف 16 ڈینھ دی آگاہی مہم اچ نگران وفاقی وزیر انسانی حقوق خلیل جارج دا آکھݨ ہا میڈی حیاتی اچ میڈی ما تے میڈی گھر آلی اہم کردار نبھائے ۔پاکستان اساڈا سوھݨا ملک اے تے اینکوں اگوں کرݨ سانگے نینگراں دی بہوں اہمیت تے لوڑھ اے تے ایندے سانگے ساڈیاں دھیاں کوں ہمت تے محنت کرنڑی ہوسی ۔اے ڳالھیں انہاں انھاں وومین ویلفئئر ڈیپارٹمنٹ تے لائنز کریسنٹ کلب ولوں تقریب اچ گالھ مہاڑ کریندیں ہوئیں آکھی۔ انہاں وومین ویلفیئر ڈیپارٹمنٹ دی طالبات دے نظم و ضبط دی بہوں تعریف کیتی ۔انھاں دا آکھݨ ہا جو اساکوں تریمتیں کوں برابر دی جا ڈیوݨی ہوسی ،ایں توں علاوہ انھاں ملک دی حفاظت کرݨ آلی فوج دی تعریف کیتی جیڑھی ہنالے سیالے ساڈی حفاظت سانگےکم کریندی اے۔
