رام اللہ ۔1دسمبر (اے پی پی) حماس غزہ اچ اٹھ اسرائیلی یرغمالیاں، اسرائیل 30 فلسطینی قیدیاں کوں جنگ بندی دے معاہدے دے چھیکڑی ویلھے ودھارے دے تحت چھوڑ ݙتے۔ فرانسیسی خبر رساں ادارے موجب اسرائیل خمیس کوں ساریاں توں پہلے رہا تھیوݨ آلی ݙو تریمتیں دی سنجاݨ21 سالہ میا سکیم اتے 40 سالہ امیت سوسانہ دے ناں نال کیتی اے۔ اسرائیلی فوج آکھیا جو حماس بعد اچ ٻئے چھی یرغمالیاں کوں چھڑیندیں ہوئیں انہاں کوں ریڈ کراس دے حوالے کر ݙتے۔ انہاں اچ چار تریمتیں شامل ہن جنہاں دی عمراں 29 توں 41 سال ہن۔ اسرائیلی جیل سروس موجب معاہدے دے تحت 30 فلسطینیاں کوں وی جیلاں توں چھوڑ ݙتا ڳئے۔
