اسلام آباد۔5دسمبر(اے پی پی سرائیکی نیوز سروس ۔ڈاکٹر سعدیہ کمال )سرائیکی وسیب بھانویں جتنا سیکولر تے لبرل تھی ونڄے تصوف توں نی ہٹیا ونج سگیندا۔ سجادہ نشین باہو سلطان جھنگ صاحبزادہ سلطان احمد علی دا فروغ اردو قومی ادارہ اچ سجادہ نشین گڑھی اختیار خواجہ غلام قطب الدین فریدی دے اعزاز اچ رکھی گئی تقریب اچ گالھ مہاڑ ۔ اردو، سرائیکی دے شاعر سجادہ نشین گڑھی اختیار رحیم یار خان خواجہ غلام قطب الدین فریدی دے اعزاز اچ فروغ اردو قومی ادارہ ولوں رکھی گئی نشست اچ سجادہ نشین سلطان باہو صاحبزادہ سلطان احمد علی اے پی پی نال ڳالھ مہاڑ کریندے آکھیے جو تصوف اساݙی دھرتی اچ رچیا بسیا اے ۔ انھاں دا ٻیا آکھݨ ہا جو خواجہ غلام دی شاعری ای اصل اچ اردو دی شاعری اے ۔کیوں جو ہݨ کلچر دی جاہ تے لچر رہ ڳئے ۔اساکوں شاعری اچ او رواداری ،امن ،محبت ،مساوات تے نغمگی نظر آوݨی چاہیدی اے او خواجہ غلام قطب الدین فریدی دی شاعری اچ اے۔
