ملتان۔ 06 دسمبر (اے پی پی) نشترہسپتال دی ڈائریکٹر ڈویلپمنٹ روبینہ کوثر آکھیے جو نشترہسپتال ٹو دے ݙوجھے فلور تے چھی ماڈل آپریشن تھیٹر اڄوکے مہینے مکمل کر ڳھدے ویسن ۔ اے ڳالھ انہاں نشترہسپتال ٹو دے دورے دے موقع تے ڳالھ مہاڑ کریندے ہوئیں آکھی اے ۔ ایں موقع تے آئی ڈیپ اتے متعلقہ محکمیں دے افسر وی موجود ہن ۔ روبینہ کوثر مزید آکھیے جو نشترہسپتال ٹو اچ شعبہ اطفال ،زچہ بچہ وارڈ دا کم50فیصد مکمل کرڳھدا ڳئےجیڑھا جو 20دسمبر تئیں مکمل تھی ویسی ۔ انہاں آکھیے بیسمنٹ تے پتھالوجی،سی ایس ایس ڈی لانڈری،کچن، مردہ خانہ، نماز دی جاہ مکمل کرتے انتظامیہ دے حوالے کرݙتی ڳئی اے ۔
