لاہور۔29 دسمبر(اے پی پی)میلبورن۔29دسمبر(اے پی پی) آسٹریلیا میلبورن ٹیسٹ میچ اچ پاکستان کوں ہرا تے 3 میچاں دی سیریز اچ فیصلہ وتھی ڳھن ڳھدی اے۔ پاکستانی ٹیم 317 رنز دے پچھو 237 رنز تے آؤٹ تھی گئی۔ میچ دے چوتھ ݙینھ آسٹریلیا ݙوڄھی اننگز 187 رنز 6 کھلاڑی آؤٹ تے ولا شروع کیتی ٻھل آسٹریلوی ٹیم 262 رنز تے آؤٹ تھی گئی اتے پہلی اننگز دے وادھو 54 رنز رلا تے پاکستان کوں جیت کیتے 317 رنز دا ہدف ݙتے۔ شاہین شاہ آفریدی اتے میر حمزہ چار، چار ڄݙآں جو عامر جمال ݙو کھیݙاڑیاں کوں آئوٹ کیتے۔ ولدے اچ قومی ٹیم 235 تے آئوٹ تھی ڳئی اتے آسٹریلیا اے میچ 79 رنز توں جیت ڳھدے۔ عبداللہ شفیق 4، امام الحق 12، شان مسعود 60، بابر اعظم 41، سعود شکیل 24، محمد رضوان 35، سلمان آغا 50، عامر جمال، شاہین شاہ آفریدی اتے میر حمزہ تریے صفر تے آئوٹ تھین۔ آسٹریلیا ولوں پیٹ کمنز 5 اتے پورے میچ اچ 10 وکٹاں ڳھن تے مین آف دی میچ رہین۔ مچل سٹارک 4 وکٹاں اݙائن اتے جوش ہیزل ووڈ ہک وکٹ ڳھدی۔
