صدر مملکت ڈاکٹر عارف علوی دی انشورنس کمپنی کوں غریب تریمتیں کوں منافع سودھا ہک لکھ روپے مہینے دے اندرو ݙیوݨ دی ہدایت

اسلام آباد۔11جنوری (اے پی پی)`صدر مملکت ڈاکٹر عارف علوی انشورنس کمپنی اسٹیٹ لائف کوں غریب تریمتیں کوں منافع سودھا ہک لکھ روپے مہینے دے اندرو ݙیوݨ دی ہدایت کیتی اے۔ صدر مملکت آکھیے جو انشورنس آرڈیننس 2000 دے تحت محتسب کوں انشورنس پالیسی ہولڈرز دے مفادات دا تحفظ کرݨے۔ شکایت کنندہ زبیدہ بیگم کمیٹی دے ہک لکھ روپے بینک اکائونٹ اچ جمع کراوݨ چاہندی ہئی ٻھل تریمت کوں غلط 1 لکھ سالانہ پریمیم دی انشورنس پالیسی جاری کرݙتی، واپس پیسے منڳݨ تے کمپنی صرف 40 ہزار ولا ݙیوݨ دا آکھیے، ناانصافی تے تریمت وفاقی انشورنس محتسب کوں شایت کیتی جیڑھی حل نا تھئی۔ بعد اچ محتسب دے فیصلے دے خلاف تریمت صدر مملکت کوں درخواست کیتی جیندے تے صدر تریمت دے حق اچ فیصلہ کیتے جو بنک فراڈ نال تریمت کوں بنک اچ رقم جمع کرݨ دی بجائے انشورنس کر ݙتی، انشورنس کمپنی خاتون کوں ہک لکھ روپے منافع سودھا ادائیگی کرے، کمپنی دا جمع شدہ رقم ولا نا ݙیوݨ آرڈیننس دی روح دی خلاف ورزی اے۔