اسلام آباد۔26جنوری(اے پی پی)عالمی عدالت انصاف غزہ نسل کشی کیس معطل کرݨ دی اسرائیل دی درخواست مسترد کریندے قرار ݙتے جو اسرائیل دے خلاف نسل کشی کیس دے ودھ شواہد موجود ہین، کیس خارج نئیں کیتا ونڄ سڳدا، کڄھ الزامات نسل کشی کنونشن دی دفعات اچ آندن۔ عدالت آکھیے جو غزہ تباہی دی کہانی ٻݨ چکیے، اقوام متحدہ دے مطابق غزہ رہݨ دے قابل نئیں ریہا، 7 اکتوبر دے بعد غزہ اچ ٻہوں وݙی تباہی تھئی اے، ہزاراں لوک شہید تھئین، 63 ہزار توں ودھ زخمی ہین، اسرائیلی فوجی حملیاں پاروں غزہ اچ ہلاکتاں، تباہی اتے نقل مکانی تھئی اے۔ عالمی عدالت انصاف اچ جنوبی افریقا غزہ اچ فلسطینیاں دی نسل کشی دا الزام اسرائیل تے لیندے مقدمہ دائر کیتا ھا۔ 11 اتے 12 جنوری کوں کیس دی سماعت اچ جنوبی افریقا اتے اسرائیل دلائل ݙتے ہن۔
