ملتان۔ 30 جنوری (اے پی پی) جنوبی پنجاب دا میگا ہیلتھ پراجیکٹ نشتر2 تکمیل دے مرحلے اچ آڳئے۔ نشتر 2 ہسپتال کوں فنکشنل کرݨ دے اقدامات پورے تھی ڳئن، جلدی افتتاح کیتا ویسی۔ ایں بارے کمشنرملتان ڈویژن انجینئرعامرخٹک نشتر2 ہسپتال دا دورہ کیتا اتے آکھیا جو وزیراعلی پنجاب سید محسن نقوی جلدی نشتر2 میگا ہیلتھ پراجیکٹ دا افتتاح کریسن۔ تقریباً ݙاہ ارب روپے دی لاگت نال ٻݨیے نشتر ٹو ہسپتال نال خطے اچ صحت دے شعبے اچ انقلابی تبدیلی امسی۔ ایں موقع تے ڈائیریکٹر ڈویلپمنٹ روبینہ کوثراتےمتعلقہ افسرموجود ہن۔
