اسلام آباد۔5فروری (اے پی پی سرائیکی نیوز سروس، ڈاکٹر سعدیہ کمال) وفاقی اردو یونیورسٹی اسلام آباد دے نینگراں “سال پسالی کٹھ ” دا شاندار اہتمام کیتا گیا جیندے اچ سرائیکی ادبی اکیڈمی دے جنرل سیکرٹری شاہد دھریجہ سرائیکی وسوں اچ تعلیم دی اہمیت کوں مدنظر رکھیندے ہوئیں یونی ورسٹیاں ودھاوݨ دا مطالبہ کیتا ۔انھاں دا آکھݨ ہا جو پاکستان پیپلز پارٹی دے اگواݨ شہید بھٹو سرائیکی وسیب کوں ترائے یونی ورسٹیاں ڈتیاں ہن اتے ہنڑ پنج ڈھاکے تھیوݨ آلے ان ۔سرائیکی وسوں اچ یونی ورسٹیاں ݙتیاں ونجن۔تقریب اچ وسوں دے سینکڑاں نینگراں توں علاوہ وکھو وکھ زباناں تے ثقافتاں دے نینگر شریک تھئے ۔ایں سال پسالی کٹھ دا مقصد نینگراں اچ سرائیکی زبان وثقافت کوں نشابر کرݨ اے ۔شاہد دھریجہ وفاقی اردو یونیورسٹی دے نینگراں کوں وفاق اچ شاندار پروگرام رکھݨ تے خراج تحسین پیش کیتا ۔
