تہران ۔6فروری (اے پی پی) ایران 28 ملکاں دے شہریاں کوں پیشگی ویزا توں استثنا ݙیوݨ دے فیصلے تے عمل شروع کر ݙتے۔ اردو نیوز دے مطابق ایرانی وزیر سیاحت عزت اللہ ضرغامی آکھیا جو ایران سعودی عرب دے علاوہ بھارت ، روس، امارات، بحرین، قطر، کویت، لبنان، تیونس اتے برازیل سودھے 28 ملکاں دے شہریاں کوں پیشگی ویزا توں استثنا ݙیوݨ دے فیصلے دسمبر اچ کیتا ڳئیا ہئی جئیں تے عملدرآمد پنڄ فروری توں شروع تھی ڳئے۔ فیصلے موجب فضائی رستے توں آوݨ آلے سعودی سیاحاں کوں ہݨ ویزا ڳھنݨ دی لوڑھ کائنا ہوسی۔
