اقوام متحدہ۔8فروری(اے پی پی) اقوام متحدہ آکھیے جنوبی سوڈان اچ اقوام متحدہ دے مشن (یو این ایم آئی ایس ایس ) اچ خدمات انجام ݙیوݨ آلے پاکستانی انجینئرز دی طرفوں یونیٹی ریاست دے دارالحکومت بنٹیو اچ 4سال پہلے سیلاب کوں روکݨ سانڳے بݨائیاں ڳیاں سینکڑاں کلومیٹردیاں دیواراں ( ڈائیکس )ترائے لکھ شہریاں کوں چھل دی تباہ کاریاں توں محفوظ کرݙتا۔ چھل روکݨ آلی اے دیواراں 2020 اچ اوں ویلھے بݨائیاں ڳیاں جݙاں دریائے نیل اچ پاݨی دی سطح ٻہوں اُچی ہووݨ دے بعد سیلابی پاݨی ریاست نال ٹکرا ڳیا ہئی تے ول ایندی سطح اچ کݙاہیں کمی نی آئی ۔بنٹیواچ پاکستانی انجینئرنگ یونٹ دے فلڈ افسر کیپٹن تیمور احمد آکھیے تھی سڳدے اساں لوکاں کوں گولیاں توں نہ بچا سڳوں لیکن اساں انہاں کوں چھل توں بچیندے پیوں ۔ مشن دی پریس ریلیز موجب کیپٹن تیمور دے الفاظ اقوام متحدہ دے امن مشن دی ابھردی ہوئی نوعیت دی نشاندہی کریندن جتھاں ماحولیاتی تباہی مسلح تصادم دے طور تے ھک وݙا خطرہ اے۔
