اسلام آباد۔14فروری(اے پی پی)ݙو ݙینھ دی شدید مندی اتے پاکستان مسلم لیگ ن، پیپلز پارٹی، مسلم لیگ ق اتے ٻیاں اتحادی جماعتاں نال رل تے حکومت ٻݨاوݨ دے اعلان دے بعد اڄ پاکستان سٹاک مارکیٹ اچ تیزی ݙٹھی ڳئی اے۔ سٹاک مارکیٹ اچ 927 پوائنٹس ودھیے اتے سٹاک مارکیٹ اچ ہنڈرڈ انڈیکس 62 ہزار 153 پوائنٹس دی سطح تے بند تھئے۔ ٻئے پاسو عام انتخابات دے بعد نویں ہفتے دے پہلے ݙینھ وی پاکستان سٹاک ایکسچینج اچ شدید مندی برقرار رہی۔ پورے ݙینھ 349 کمپنیاں دے شیئرز اچ کاروبار تھئے جیندے اچ 298 کمپنیاں دے شیئرز اچ کمی ڄݙاں جو 32 دے شیئرز ودھین۔ گذریل ݙینھ مارکیٹ دی بلند ترین سطح 62634 ڄݙاں جو ڳھٹ ترین سطح 60647 رہی، مندی پاروں مارکیٹ اچ 2 عشاریہ 98 فیصد دی کمی ریکارڈ کیتی گئی۔
