راولپنڈی۔6مارچ(اے پی پی)پاک فوج دے شعبہ تعلقات عامہ، انٹرسروسز پبلک ریلیشنز (آئی ایس پی آر) ݙسائے جو آرمی چیف جنرل سید عاصم منیر ہیوی انڈسٹریز ٹیکسلا دا دورہ کیتے اتے انہاں ایچ آئی ٹی اچ حیدر ٹینک دی تقریب رونمائی اچ بطور مہمان خصوصی شرکت کیتی۔ ایں موقع تے عوامی جمہوریہ چین دے سفیر اتے چینی سرکاری کمپنی نورینکو دے اہم حکام وی موجود ہن۔ حیدر ٹینک چینی کمپنی نورینکو اتے پاکستان دیاں مختلف صنعتاں دے ڳانݙھے نال مقامی طور تے ٻݨایا ڳئے۔ آئی ایس پی آر دے مطابق حیدر ٹینک جدید ترین ٹیکنالوجی، فائر پاور، تحفظ اتے تدبیر دی خصوصیات
رکھدی۔ آرمی چیف کوں حیدر ٹینک دی تکنیکی صلاحیتاں تے تفصیلی بریفنگ ݙتی گئی۔ آرمی چیف جنرل سید عاصم منیر تکنیکی سنگ میل دی کامیابی تے افسران اتے افرادی قوت دے عزم دی تعریف کیتی۔ ایں توں پہلے ہیوی انڈسٹریل کمپلیکس اچ چیئرمین ایچ آئی ٹی آرمی چیف جنرل سید عاصم منیر کوں جی بسم اللہ آکھیے۔
