فیصل آباد ۔ 08 مارچ (اے پی پی) صدارتی تمغہ برائے حسن کارکردگی دے حامل ملک دے معروف لوک گلوکار پٹھانے خان دی برسی کل 9 مارچ چھݨ چھݨ کوں منائی ویسی۔ لوک فن گائیکی اچ مقام رکھݨ آلے گلوگار پٹھانے خان 1926 اچ تمبو والی بستی کوٹ ادو اچ جمیے ہن۔ گلوکار پٹھانے خان کوں کافی،غزل اتے لوگ گیتاں تے ٻہوں کمال حاصل ہئی۔ جندڑی لئی تئیں یار سجݨ، کدی موڑ مہاراں تے ول آ وطناں، میݙاعشق وی توں تے میݙا یار و ی توں، آ مل اڄ کل سوہنا سائیں، وجے اللہ والی تار، کیاحال سݨاواں دل دا،الف اللہ چنبے دی بوٹی،میرا رنجنا میں کوئی ہور، پیلو پکیاں وغیرہ انہاں دے مشہور گیت ہن۔ آپ مختصر علالت دے بعد9مارچ 2000کوں آپݨے مالک حقیقی نال ونڄ ملیے۔
