ریاض۔16مارچ (اے پی پی):اسلامی تعاون تنظیم (او آئی سی) مسجد الاقصی دی تاریخی و قانونی حیثیت کوں بدالݨ دے حوالے نال اسرائیلی قابض فورسز دے غیرقانونی اقدامات دی مذمت کیتی اے ۔ایس پی اے موجب آوآئی سی توں جاری بیان اچ آکھیا ڳئے جو مسجد الاقصی دے آسے پاسے اسرائیل دی طرفوں غیرقانونی طورتے آہنی باؤنڈری دی تنصیب اتے لوکاں دی آونڄ کوں محدود کرݨ دی کوشش کیتی ویندی پئی اے ۔ اوآئی سی بیان اچ آکھیے جو القدس شہر مقبوضہ فلسطینی ریاست دا حصہ ہی کائنی بلکہ اتھاں دا دارالحکومت اے جیں کوں انڄ کرݨ ممکن کائنی ۔ مسجد الاقصی دا پورا علاقہ صرف مسلماناں دی عبادت دی جاہ اے ۔ اسرائیل دی طرفوں ایجھے اقدامات کہیں طرح دی قابل قبول کائنی جنھاں اچ اسلامی اتے عیسائیاں دے مقدس جاہ تے قبضہ کرݨ مقصود اے۔ اے اقدامات اقوام متحدہ دی قرار داداں اتےعالمی قوانین نال وی متصادم اے جنھاں دی کوئی قانونی حیثیت کائنی۔
