اسلام آباد۔19مارچ (اے پی پی، ڈاکٹر سعدیہ کمال ) پاکستان سویٹ ہوم دے بانی جنھاں کوں سویٹ ہوم اچ پلݨ آلے بال “پاپا جانی ” سڈیدن۔انھاں سویٹ ہوم اچ پلݨ آلے بالاں سانگے فنڈ ریزنگ سحری دا اسلام آباد دے مقامی ہوٹل اچ اہتمام کیتا تےحاضرین نال گالھ مہاڑ کریندے انھاں دا آکھݨ ہا جو میں یتیم دی کفالت کوں سیاست تے ترجیح ڈتم کیوں جو میڈی حیاتی اچ ترائے چار واقعے اہجھے تھئے جیندے اچ مردے مردے بچیاں جیندے اچ ہک واقعہ 96 دا تے ڈاکٹر ایف ایٹ اچ دھماکہ ہئی اوندے بعد سکندر آلا واقعہ تھیا جیندے اچ معجزہ تھیا جتھوں میکوں اللہ عزت ، شہرت تے حیاتی ڈتی ۔تے وت 27 دسمبر آلا حادثہ جیندے اچ میزبان ہمی تے میڈے سامھے بشیر خان تنگی دے ڈوں ٹکڑے تھی گئے تے میکوں اللہ بچا گھدا ۔اوندے بعد میں آپدی زندگی نکے بال فرشتے تے پریاں کیتے وقف کرڈتی اے ۔سویٹ ہوم ڈوہزار نو اچ بنڑایا گیا ہئی جیندے اچ ہݨ سینکڑاں بال ملک دیاں وݙیاں یونی ورسٹیاں ,کالج تے انجینئرنگ دے نال ڈوجھے شعبیاں اچ تعلیم گھندے پئین۔
