اسلام آباد۔21مارچ (اے پی پی۔ڈاکٹر سعدیہ کمال) پاکستان سویٹ ہوم دے بانی تے چئیرمین زمرد خان سویٹ ہوم اچ نکے فرشتے تے پریاں سانگے افطاری دا اہتمام کیتا جیندے اچ پاکستان پیپلز پارٹی دے اگواݨ قمر زمان کائرہ توں علاوہ کئی سماجی شخصیات شرکت کیتی تے نال ای میڈیا دی وݙی تعداد موجود ہئی ۔زمرد خان تقریب اچ مہمان خصوصی آپدے استاداں کوں دعوت ڈتی ۔انھاں دا آکھݨ ہا جو یتیم دی کفالت اچ معجزے رکھے ہوئے ان تے میکوں ایں کم اچ روحانی خوشی تھیندی اے اساݙے آخری نبی یتیم جمے ہن تے وت در یتیم تھئے ۔زمرد خان دا آکھݨ ہا جو سویٹ ہوم دی ایں عمارت اچ سینکڑاں دھیاں رہندیاں پئیاں ان ۔ایندی جاء گھنݨ تے بنڑن اچ کئی لوکیں دی مدد شامل اے ۔2009 توں شروع تھیوݨ آلا پندھ ہݨ کتھ پج گئے اساݙے نکے فرشتے تے پریاں چنگے اداریاں اچ پڑھدے پئین تے ہک بال پارا چنار توں اے میڈی خواہش اے جو اے وزیراعظم ٻݨسی تے اج تئیں جو میں سوچیندا او لازمی تھی ویندا اے تے سویٹ ہوم توں پڑھے بال ملک اچ ترقی تے کامیابی دے ضامن ہوسن اتے اے وی سچ اے جو پاکستان سویں چنگے لوک پوری دنیا اچ نی ملدے۔
