اسلام آباد۔1اپریل(اے پی پی) حضرت خواجہ غلام فرید دے پتر خواجہ نازک کریم دا سالانہ ترائے ڈینھ دا عرس 21 رمضان کوں سجادہ نشین دربار فرید خواجہ معین الدین محبوب کوریجہ دی صدارت اچ مک گئے۔ خواجہ غلام فرید دے نویکلے پتر خواجہ نازک کریم دا 19 رمضان شریف کوں شروع تھیوݨ آلا عرس مبارک ترائے ڈینھ بعد ولی عہد دربار فرید خواجہ راول معین کوریجہ دی نگرانی اچ تھیا جیندے اچ سیکڑاں عقیدت منداں، زائرین شرکت کیتی۔ دربار تے سحری تے افطاری اچ لنگر چلدا ریہا۔ سرائیکی وسوں توں مرید ملک دے مختلف شہراں توں آئے اتے دربار تے حاضری ݙتی، فاتحہ پڑھی۔۔
