اسلام آباد۔3اپریل(اے پی پی) امریکی ڈالردے مقابلے اچ پاکستانی کرنسی دی قدر اچ جاری مال سال دے شروع توں گھن تے ہݨ تئیں ترائے فیصد ودھارا ریکارڈ کیتا ڳئے ۔ بلوم برگ دی رپورٹ اتے سٹیٹ بینک دے اعدادوشمار موجب 29مارچ 2024 کوں امریکی ڈالر دے مقابلے اچ پاکستانی کرنسی دی قدر 277.95 روپے ریکارڈکیتی ڳئی جیڑھا جو گزریل ہفتے دے مقابلے اچ 0.3 فیصد اتے جاری مالی سال دے شروع توں گھن تے ہݨ تئیں 3 فیصد زیادہ اے۔ بدھ کوں نیشنل بینک دی طرفوں جاری اعدادوشمار موجب امریکی کرنسی دی قیمت خرید 281.08 اتے قیمت وکامت 275.02 روپے ریکارڈکیتی ڳئی ۔
