ماپوتو۔11اپریل (اے پی پی) موزمبیق اچ ’ہیضے دے ݙر توں ٻھجݨ آلے ٩٦ بندے ٻیڑی بݙݨ نال ہلاک تھی ڳئے۔ اے ایف پی مقامی حکام بارے ݙسیا جو افریقی ملک موزمبیق دے شمالی ساحل تے ہک ٻیڑی بݙݨ نال چھیانوے بندے ہلاک تھی ڳئے۔ نمپولا دے سیکرٹری آف سٹیٹ جائم نیتو آکھیا جو ودھ مسافر ہیضے بارے غلط معلومات پاروں ݙر دا شکار ہن جئیں پاروں ٻھجدے پئے ہن۔ انہاں آکھیا جو ٻیڑی اچ ١٣٠ بندے سوار ہن۔ موزمبیق دے سرکاری اعدادوشمار جنوبی افریقی ملک موزمبیق جیڑھا جو دنیا دے غریب ترین ملکاں اچوں ہک اے، اچ اکتوبر توں ہݨ تئیں پاݨی نال تھیوݨ آلی بیماری توں 32 ہزار توں ودھ اموات تھین اتے 15 ہزارکیسز رپورٹ تھین۔
