اسلام آباد۔22اپریل (اے پی پی سرائیکی نیوز سروس، ڈاکٹر سعدیہ کمال)سوجھل دھرتی واس ہیٹھ چوتھی سال پسالی ادبی ثقافتی سوجھل کانفرنس 27 اپریل چھݨ چھݨ دی نماشاں 6 وڄے ملتان وچ شروع تھیسے. سوجھل کانفرنس ءِچ پورے ملک توں نشابر سرائیکی ادیب، دانشور، شاعر، سیاسی، سماجی اڳواݨ اتے گائیک شریک تھیسن. سال پہلے چھل اچ سوجھل دھرتی واس ودھ چڑھ تے وسیب دے لوکیں دی مدد کیتی ہئی ۔ اے پی پی نال گالھ مہاڑ اچ سوجھل دھرتی واس دے اگواݨ انجینئر شاہنواز مشوری ڈسائے جو اساں ایں کانفرنس اچ سرائیکی تنظیمیں دے اگواݨ جیندے اچ پاکستان سرائیکی پارٹی تے سرائیکستان ڈیموکریٹک پارٹی کوں خاص دعوت ڈتی اے جو کانفرنس اچ جھمر تاڑی دے نال نال صوبے دی تحریک سانگے پیپلزپارٹی تے ن لیگ نال گالھ اگوں ٹوروں اساڈی پوری کوشش اے سبھے سٹیک ہولڈر کٹھے کروں۔
