اسلام آباد۔27اپریل (اے پی پی سرائیکی سروس، ڈاکٹر سعدیہ کمال) عظیم سرائیکی شاعر مولوی محمد رمضان بہار ملتانی دی 67 ویں برسی دے سلسلے اچ ورلڈ سرائیکی کانگریس اتے سرائیکی اکیڈمی دا سانجھا اجلاس تھیا جئیں دی صدارت ممتاز سکالر اتے ورلڈ سرائیکی کانگریس دے چئیرمین ڈاکٹر غضنفر مہدی کیتی۔ ایں موقع تے خطاب کریندیں ہوئیں انہاں آکھیا جو بہار ملتانی سویں مرثیہ نگار سرائیکی زبان دی ادبی تے دینی عظمت کوں اجاگر کرݨ کیتے ٻہوں خدمات ݙتن۔ سرائیکی اکیڈمی دی صدر ڈاکٹر سعدیہ کمال آکھیا جو پہلا سرائیکی کنونشن جئیں اچ سرائیکی زبان تے ادب کوں منیا ڳئیا او بہار ملتانی ،اسد ملتانی اتے مولانا نور احمد خاں فریدی کرایا ہئی۔ مظہر عارف آکھیا جو سرائیکی زبان تے ادب دے ودھارے کیتے بہار ملتان نال شعراء دے نقش قدم تے ٹردیں ہوئیں ولا منظم تھیوݨ دی لوڑھ اے۔ سیمینار توں سبطین رضالودھی، شاہد دھریجہ ،محترمی کوثر ثمرین وغیرہ بہار ملتانی دی شخصیت اتے ادبی خدمات تے روشنی پاتی اتے قرارداد دے ذریعے حکومت توں مطالبہ کیتا ڳئیا جو ٻئی زباناں وانڳوں سرائیکی زبان تے ادب اتے ثقافت دی ہک جامع حکمت عملی ٻݨائی ونڄے۔
