اقوام متحدہ۔14مئی (اے پی پی) پاکستان اقوام متحدہ نال جڑی تنظیم ورلڈ فیڈریشن آف یو این ایسوسی ایشنز (ڈبلیو ایف یو این اے) کوں ݙسائے جو اوں 26۔2025دی مدت کیتے اقوام متحدہ دی سلامتی کونسل دی غیر مستقل نشست کیتے درخواست ݙتی اے جئیں دا مقصد عالمی ادارے دے چارٹر دی پاسداری ودھاوݨ، اقوام متحدہ سی سلامتی کونسل دی قرارداداں دے نال نال بین الاقوامی قانون تے خلوص نال عملدرآمد اے۔ اقوام متحدہ اچ پاکستان دے نائب مستقل نمائندہ عثمان جدون گزریل ݙینھ نیویارک اچ اقوام متحدہ دے ہیڈ کوارٹر اچ ورلڈ فیڈریشن آف یو این ایسوسی ایشنز ولوں 15 رکنی کونسل دے آندے انتخابات تے تھیوݨ آلی بحث اچ آکھیا جو پاکستان جنگ دی روک تھام اتے امن دے ودھارے، عالمی خوشحالی اتے انسانی حقوق دے عالمی احترام ودھاوݨ کیتے چارٹر دے وژن نال آپݨی جڑت دا اظہار کیتے۔
