لندن۔17مئی (اے پی پی) انگلینڈ اتے پاکستان دی کرکٹ ٹیماں وچال چار میچاں دی سیریز دا پہلا ٹی ٹونٹی میچ 22 مئی کوں ہیڈنگلے ،لیڈز اچ کھیݙیا ویسی۔ پاکستان دی ٹیم انگلینڈ اچ موجود اے جتھ او میزبان برطانوی ٹیم دے خلاف چار ٹی ٹونٹی میچاں دی سیریز کھیݙسی۔ اکستان دی ٹیم مایہ ناز بیٹر بابر اعظم دی قیادت اچ کھیݙسی۔ سکواڈ دے ٻئے کھݙاریاں اچ فخر زمان،صائم ایوب،افتخار احمد،عرفان خان،آغا سلمان،عماد وسیم،شاداب خان،اعظم خان،محمد رضوان ،عثمان خان ،ابرار احمد،حارث رؤف،حسن علی،عباس آفریدی،محمد عامر،نسیم شاہ اتےشاہین آفریدی شامل ہن۔ چار میچاں دی سیریز دا ݙوجھا میچ 25 مئی کوں برمنگھم ، تریجھا میچ 28 مئی کوں کارڈف اچ جڈانجو چوتھا تے چھیکڑی میچ 30 مئی کوں لندن اچ کھݙیا ویسی۔
