اقوام متحدہ ۔17مئی (اے پی پی):اقوام متحدہ آکھیے جو عالمی سطح تے اقتصادی امکانات اچ بہتری پاروں اڄوکے سال پاکستانی معیشت دی شرح نمو ݙو فیصد ودھݨ دی توقع اے۔ اقوام متحدہ دے شعبہ اقتصادی اتے سماجی امور ( ڈی ای ایس اے )دی طرفوں جاری’’عالمی اقتصادی صورتحال اتے امکانات ‘‘ نامی رپورٹ اچ آکھیا ڳئے جو درپیش اقتصادی چیلنجز دے باوجود 2024 دے دوران پاکستان دی مجموعی ملکی پیداوار (جی ڈی پی) اچ 2 فیصد ودھارا متوقع ہے۔ رپورٹ اچ آکھیا ڳئے جو پاکستان بین الاقوامی مالیاتی فنڈ (آئی ایم ایف) نال 3 بلین ڈالر دا اسٹینڈ بائی ارینجمنٹ معاہدہ کیتے۔ ایں پروگرام توں معیشت کوں مستحکم کرݨ تے ملکی زرمبادلہ ودھاوݨ اچ مدد ملسی ایں توں پاکستان کوں مالیاتی ایڈجسٹمنٹ دی سہولت وی ملسی ۔ یو این ڈیپارٹمنٹ آف اکنامک اینڈ سوشل افیئرز دے عہدیدار شانتانو مکھرجی رپورٹ جاری کریندے ہوئیں آکھیے جنوبی ایشیا دے ٻہوں سارے ملکاں 2023 دی ݙوجھی ششماہی اچ کرنسی دی قدر اچ کمی دے دباؤ دا سامݨا کیتے۔
