پیرس ۔7جون (اے پی پی) سپین اعلان کیتے جو او جنوبی افریقہ دی عالمی عدالت انصاف اچ غزہ اچ نسل کشی بارے اسرائیل دے خلاف کیس اچ فریق دے طور شامل تھیسی۔ اے ایف پی موجب سپین دے وزیرخارجہ جوز مینول البریس خمیس کوں پریس کانفرنس اچ آکھیا جو اساݙا مقصد جاری جنگ کوں مُکاوݨ اتے ݙوریاستی حل دے منصوبے تے اڳوں ودھݨ اے۔ وزیرخارجہ دا بیان اوں ویلھے آئے جݙاں ہفتہ پہلے سپین آئرلینڈ اتے ناروے نال رَل تے فلسطینی ریاست کوں تسلیم کرݨ دا اعلان کیتا ہئی۔ جنوبی افریقہ گزریل سال اسرائیل دے خلاف عالمی عدالت انصاف اچ غزہ اچ نسل کشی تے کیس کیتا ہئی۔
