اسلام آباد۔27جون(اے پی پی):جنوبی ایشیا سانڳے عالمی بینک دے (علاقائی )نائب صدرمارٹن ریزرآکھیے جو پاکستان اچ 2022 اچ آوݨ آلی چھل توں دنیا اچ موسمیاتی تبدیلیاں توں تھیوݨ آلی تباہی دا چنڳے طریقے نال اندازہ لاتا ونڄ سڳدے۔ عالمی بینک توں جاری بیان موجب انہاں اے ڳالھ انٹرنیشنل ڈویلپمنٹ ایسوسی ایشن (آئی ڈی اے)دی تقریب دی مناسبت نال آکھی اے ۔ انہاں آکھیے پاکستان اچ 2022 اچ آوݨ آلی چھل پاروں وݙے پیمانے تے تباہی تھئی اے چھل پوری دنیا اچ موسمیاتی تبدیلیاں پاروں تھیوݨ آلی تباہیاں دے حوالے نال ھک چتاوݨی اے ۔ انہاں آکھیے جو ترقیاتی شراکت داراں، مقامی انتظامیہ اتے شہریاں دے تعاون توں متاثرہ علاقیں اچ نویں سروں تعمیرو بحالی اتے ماحولیاتی لحاظ نال موزوں بنیادی ڈھانچے دی تعمیراچ مدد مل سڳدی اے ۔ آئی ڈی اے دے پریکٹس منیجر شہری ریزیلئنس ولینڈعابدخلیل تقریب توں خطاب اچ آکھیے جو ماحولیاتی تبدیلیاں پاروں آوݨ آلیاں نسلاں کوں ھک ایجھی دنیا ملسی جیڑھی زندگی دے قابل نہ ہوسی ،ناقابل یقین گرمی دی لہر، خشک سالی، چھل تے طوفان معمول داحصہ ہوسن ایں صورت حال توں غریب طبقے ساریں توں ودھ متاثر تھیسن ۔
