اسلام آباد۔9جولائی(اے پی پی) اکادمی ادبیات پاکستان دے عہدیداراں تے لکھاری عاصم بٹ تے اختر سلیمی آکهيا ہے که اکادمی ادبیات پاکستان سرائیکی زبان و ادب دے فروغ سانگے اہم کردار نبھائے اے ڳالھیں انھاں سرائیکی ڈیپارٹمنٹ دے استاد اطہرلاشاری نال آئے بی ایس طلباء دے وفد نال ڳالھ مہاڑ کریندے آکھئن ۔انھاں دا آکھݨ ہا جو اکادمی اچ عجائب گھر بݨایا ویندا پئے جیندے اچ پاکستان دیاں 80 زباناں دے سکرپٹ محفوظ کیتے ویسن ۔انھاں دا آکھݨ ہا جو اکادمی ادبیات دا مقصد پاکستان دا مثبت تشخص پیش کرݨ اے تے باہمی احترام تے یگانگت رواداری کوں فروغ ڈیوݨ اے ۔اکادمی سرائیکی سودھے 9 زباناں دے لکھاری ‘ادیب ،محققین کوں ایوارڈ ݙیندی اے ۔ہک وݙا ایوارڈ فن کمال ݙتا ویندے تے ݙوں ایوارڈ ہک نثر دا ڈاکٹر مہر عبدالحق تے ہک شاعری دا ” خواجہ فرید” ایوارڈ ݙتا ویندے۔۔انھاں ایوارڈ سانگے میرٹ تے اوں زبان دے ماہراں دی جیوری بݨائی ویندی اے جیڑھی فیصلہ ݙیندی اے ۔۔ڈاکٹر سعدیہ کمال اکادمی ادبیات دی بورڈ آف گورنر وی نال موجود ہن جنھاں طلباء نال سوال جواب کیتے تے سرائیکی ادب بارے ڳالھ مہاڑ تے اکادمی دے کم تے روشنی پاتی۔
