اسلام آباد۔12جولائی(اے پی پی) پاکستان ویسٹ انڈیز کوں ہرا تے لیجنڈز ورلڈ کرکٹ چیمپئن شپ دے فائنل اچ پڄ ڳئے۔ نارتھمپٹن اچ کھیݙیے ونڄݨ آلے لیجنڈز ورلڈ کرکٹ چیمپئن شپ دے پہلے سیمی فائنل اچ پاکستان دی ٹیم مقررہ 20 اووراں اچ 8 وکٹاں ونڄا تے 198 رنز ٻݨائن۔ پاکستان ولوں یونس خان 65، کامران اکمل 46، عامر یامین 40اتے سہیل تنویر 33 ٻݨا تے بہترین کھیݙ پیش کیتے۔ ولدے اچ ویسٹ انڈین دی ٹیم 19 عشاریہ 5 اووراں اچ 178 رن ٻںݨا سڳی اتے پاکستان میچ 20 سکوراں توں جیت تے چیمپئن شپ دے فائنل اچ پڄ ڳئے۔ پاکستان ولوں سہیل خان 4، وہاب ریاض 2 اتے شعب ملک وی ݙو وکٹاں ڳھدن۔ ݙوڄھا سیمی فائنل میچ بھارت اتے آسٹریلیا دیان ٹیماں وچال کھیݙیا ویندا پئے جیندے اچوں جیتݨ آلی ٹیم فائنل اچ پاکستان دے مقابلے اچ ہوسی۔
