اسلام آباد۔12جولائی(اے پی پی) اسلامي اسکالرز، اديباں تے دانشوراں آکهيا اے که امام عالی مقام امام حسین عه دی قربانی کوڑ تے سچ وچال فرق کوں سامنڑے گھن آونڑ سانگے ہئی،اساکوں ہنڑ اوں کمٹمنٹ دی گهرج اے. نظریہ پاکستان کونسل ولوں “امام عالی مقام سیدنا امام حسین و اہل بیت کی قربانیاں ” دے عنوان نال سیمینار کیتا گیا جیندا مقصد اہل بیت دی قربانی کوں نشابر کرنڑ تے اوندے سچ تے حق دے مشن کوں اگوں ٹورنڑاں ہئی ۔ شرکاء گالھ مہاڑ کریندے آکھیا جو 10 محرم 61 ہجری اچ تھیونڑ آلا ہک واقعہ نی جڈاں جو ہک فلسفہ تے تحریک اے جیڑھی صبر ، بہادری ، بھروسے تے اخلاق تے مبنی اے ۔ڈاکٹر سعدیہ کمال گالھ کریندے آکھیا جو اساکوں نصاب اچ شامل کرنڑاں چاہیدا اے جو کربلا اچ انسانیت دا درس لکیا ہوئے تے ساکوں بیبیاں دی قربانی کوں وی یاد رکھنڑاں چاہیدا اے جیں چھ مہینے دے نکے بال اصغر کوں پانڑی ڈیونڑ دی بجائے شہید کرڈتا۔۔ڈاکٹر عمر ریاض عباسی دا آکھنڑ ہا جو نظریہ پاکستان کونسل کوں کوشش کرنڑئ چاہیدی اے اے قربانیاں دا ڈینھ سرکاری سطح تے انتظام کیتا ونجے ۔افسانہ نگار امتیاز قریشی دا آکھنڑ ہا امام عالی مقام امام حسین دی قربانی کوڑ تے سچ وچال فرق کوں سامنڑے گھن آونڑ سانگے ہئی ۔۔اساکوں ہنڑ اوں کمٹمنٹ دی لوڑ اے ۔سیمینار دے مہمان خصوصی موسی رضا آفندی آکھیا جو حسین اساڈے آخری نبی دے لاڈلے ڈوترے ہن جنھاں کیتے سجدہ ودھا ڈتا گیا اساکوں غزہ اچ تھیونڑ آلے ظلم کیتے وی الاونڑاں چاہیدا اے ۔۔سبطین لودھی محرم دے پس منظر تے روشنی پاتی ۔۔تقریب دی صدارت چئیرمین امام حسین کونسل ڈاکٹر غضنفر مہدی کیتی تے آخر اچ نظریہ پاکستان کونسل دے سینئر وائس چئیرمین فیصل زاہد ملک دا آکھنڑ ہا جو اساں آندے سال ہک وڈا سیمینار رکھیسوں تے اساڈی پوری کوشش ہوسی جو نصاب اچ وی شامل کراووں ۔۔سیمینار دی میزبانی حمید قیصر کیتی تے مومن خان مومن مرثیہ پیش کیتا جیکوں شرکاء نے بہوں پسند کیتا
