اسلام آباد۔26 جولائی(اے پی پی)وفاقی وزیر صنعت و پیداوار رانا تنویر حسین پاکستان چائنا انسٹی ٹیوٹ، چائنا چیمبر آف کامرس ان پاکستان اتے پاور چائنا دے ڳانݙھے نال” پاکستان اتے چین دے خصوصی اقتصادی زونز دیاں پالیسیاں کوں ہم آہنگ کرݨ” دے عنوان نال ہک اہم رپورٹ دا اجراء کرݙتے جیندا مقصد خصوصی اقتصادی زونز (ایس ای زیز) نال پاکستان اتے چین وچال اقتصادی و صنعتی تعاون ودھاوݨ کیتے سٹریٹجک فریم ورک ݙیوݨ ہا۔ اسلام آباد اچ رپورٹ دے اجرا دی تقریب اچ اہم سٹیک ہولڈرز اتے ماہرین شرکت کیتی ڄئیں ایں اقدام دی اہمیت اتے پاکستان دے معاشی منظر نامے تے ایندے ممکنہ اثرات بارے الائے۔ ایں موقع تے وفاقی وزیر آکھیا جو براہ راست غیر ملکی سرمایہ کاری (ایف ڈی آئی) ودھاوݨ اتے صنعت کاری کوں ترقی ݙیوݨ کیتے ایس ای زیز دی وݙی اہمیت اے، حکومت چینی کاروبار کوں متوجہ کرݨ کیتے ٻیاں مراعات اتے رعایتاں ݙیوݨ، سیکیورٹی اقدامات کرے۔
