اسلام آباد۔26جولائی(اے پی پی)اکناف ادبی فورم اتے سرائیکی اکیڈمی دے اہتمام نال سرائیکی دے ایوارڈ یافتہ شاعر،ادیب ،دانشور سعید اختر دے چوتھے شعری مجموعے ’’پاراُروار‘‘ دی تقریب پزیرائی اکادمی ادبیات دے کانفرنس ہال اچ تھئی جیندی صدارت صاحب اسلوب شاعر خاور احمد کیتی صاحب صدر خاور احمد آکھیے جو ادب اچ ترجمے دا کردار بہوں اہم اے تے جے شاعر دی گالھ کراں تاں بنیادی طور تے سعید اخترھک بھلا بندہ ہئی جیڑھا ہر ویلھے کہیں نہ کہیں دی بھلائی اچ مصروف رہیا ۔ کتاب دے ہر مصرعے اچ تساکوں اے ڳالھ نظر آندی اے جو او آسے پاسے ، چرند پرند، لوک دوست ، بیمار ساریں دے حوالے نال کجھ نہ کجھ سوچیندا اڳوں ودھدے تے انہاں ساریاں ڳالھیں کوں ایں سوہݨے طریقے نال مادری زبان اچ اتنا مٹھا بیان کریندے جو دل کھس گھندے۔(ڈاکٹر سعدیہ کمال)
