سری نگر۔2اگست (اے پی پی) بھارت دے غیر قانونی قبضے اچ جموں تے کشمیر اچ کل جماعتی حریت کانفرنس لوکاں توں اپیل کیتی اے جو او پنج اگست کوں کالا ݙینھ دے طور مناون تانجو عالمی برادری کوں اے سنیھا ݙتا ونڄے جو بھارت جموں تے کشمیر تے غیر قانونی طور قبضہ کیتا ہوئے اتے کشمیری اقوام متحدہ ولوں منیے ڳئے حق خودارادیت کیتے آپݨی جدوجہد کریندے رہسن۔ ۔ کشمیر میڈیا سروس موجب کل جماعتی حریت کانفرنس دے غیر قانونی طور نظر بند چیئرمین مسرت عالم بٹ اتے سینئر رہنما شبیر احمد شاہ نئی دلی دی بدنام زمانہ تہاڑ جیل توں آپݨے سنیھے اچ کالا ݙینھ مناوݨ دی اپیل کریندیں ہوئیں آکھیا جو مودی حکومت 5اگست 2019کوں مقبوضہ جموں وکشمیر دی خصوصی حیثیت ختم کرتے کشمیریاں دی سنڄاݨ تے ہک شدید حملہ کیتے۔
