ملتان ۔ 03 اگست (اے پی پی) کمشنر ملتان ڈویژن مریم خان آکھیے وزیراعلیٰ پنجاب میگا پراجیکٹس کوں وختی توڑ پڄاوݨ دا ٹاسک ݙتے ۔ اے ڳالھ انہاں ڈپٹی کمشنر وسیم حامد سندھو دے رلے ترقیاتی منصوبیں دے دورے تے آکھی اے ۔ کمشنر ملتان جنوبی پنجاب سیکرٹریٹ دا معائنہ کیتا۔انہاں جنوبی پنجاب سیکرٹریٹ کوں اڄوکے سال مکمل کرݨ دا حکم ݙتا ۔ ڈپٹی کمشنر میگا پراجیکٹس تے پیشرفت تے تفصیلی بریفنگ ݙتی ۔کمشنر ملتان آکھیے حکومت پنجاب ترقیاتی منصوبیں دی رفتار ݙو گنا کرݨ دی ہدایت کیتی اے ۔ ڈپٹی کمشنر آکھیے انتظامیہ قومی تعمیر نو دے محکمیں دی مانیٹرنگ کریندی پئی اے ۔ پراجیکٹس دی تکمیل سانڳے ترجیحی بنیاداں تے فنڈنگ کیتی ویندی پئی اے ۔ ایں موقع تے ایکسین بلڈنگز محمد حیدر اتے ڈپٹی ڈائریکٹر ڈویلپمنٹ محمد عرفان بریفنگ وی ݙتی۔
