ملتان۔ 04 اگست (اے پی پی) ایڈیشنل آئی جی جنوبی پنجاب محمد کامران خان آکھیے فرض دے رستے اچ جاناں قربان کرݨ آلے شہدائے پولیس کوں خراج تحیسن پیش کریندوں ،شہداء دیاں فیملیاں،والدین تے ٻالاں کوں سلام پیش کریندوں جنہاں دے پیاریں وطن دی خاطر جاناں قربان کیتن اتے شہادت دا عظیم رتبہ پاتے ،پولیس شہداء دے خانداناں دی بہترین ویلفیئرساݙی اولین ترجیح اے،خوشی اتے ݙکھ دے ہر موقع تے محکمہ پولیس اپݨے شہداء دے خاندان کوں کݙاہیں کلھا نہ چھوڑیسی ۔ترجمان پولیس موجب یوم شہداء پولیس دے موقع تے پولیس ہیڈ کوارٹرز اچ شہدائے پولیس کوں خراج عقیدت پیش کرݨ سانڳے ھک پروقار تقریب تھئی ،جیندے اچ پولیس و ضلعی انتظامیہ دے اعلی افسراں سودھے شہدائے پولیس دیاں فیملیاں، شہر دی معروف مذہبی، سیاسی اتے سماجی شخصیات شرکت کیتی۔شرکاء یاد گار شہداء تےحاضری ݙتی ،پھل چڑھائے اتے شہداء سانڳے فاتحہ پڑھی ۔ ایں موقع تے ایڈیشنل آئی جی جنوبی پنجاب محمد کامران اپݨے خطاب اچ شہدائے پولیس کوں خراج تحسین پیش کریندے آکھیے ملک اچ یوم شہدائے پولیس عزت و احترام نال منایا ویندا پئے سارے زندگی دے شعبیں نال تعلق رکھݨ آلے لوک شہدائے پولیس دی لازوال قربانیاں کوں خراج عقیدت پیش کریندے پئن،زندہ قوماں آپݨے ہیرو کوں کݙاہیں نی بھلیندیاں ،شہداء پولیس ساݙا قیمتی اثاثہ ہن جنہاں دی جرات اتے بہادری دیاں داستاناں پوری پولیس فورس سانڳے مشعل راہ ہن،یوم شہداء پولیس اساں کیتے اہم اے کیوں جو شہداء دیاں قربانیاں توں ملک دا امن قائم اے ، یوم شہد پولیس، شہداء دے نال تجدید عہد دا ݙینھ اے ، اساں دے عہد کریندوں جو ملکی سلامتی اتے قانون دی حکمرانی سانڳے کہیں وی قربانی توں پچھوں نہ ہٹسوں ،شہدائے پولیس دیاں قربانیاں ضائع نہ ویسن اساں شہداء دا مشن جاری رکھیسوں
