سرینگر۔5اگست (اے پی پی) پوری دنیا اچ رہݨ آلے کشمیری اڄ” یوم استحصال کشمیر” منیندے پئن، مودی حکومت مقبوضہ جموں تے کشمیر اچ آپݨے ہندوتوا ایجنڈے کوں اڳوں ودھاوݨ کیتے ظالمانہ ہتھکنڈے استعمال کریندی پئی اے۔ کشمیر میڈیا سروس موجب حریت رہنماواں آکھیا جو 5اگست 2019 دے بھارتی اقدامات دا ہکو مقصد جموں تے کشمیر کوں مسلم اکثریت توں مسلم اقلیتی علاقے اچ بدلݨ ہئی۔ انہاں افسوس کیتا جو مودی حکومت مقبوضہ جموں تے کشمیر اچ آپݨے ہندوتوا ایجنڈے کوں اڳوں ودھاوݨ کیتے ظالمانہ ہتھکنڈے استعمال کریندی پئی اے۔ ایں ݙینھ کوں مقبوضہ جموں تے کشمیر اچ کالا ݙینھ دے طور منایا ویندے جڈانجو آزاد جموں تے کشمیر ، پاکستان اتے پوری دنیا اچ رہݨ آلے کشمیری مقبوضہ کشمیر دی سنگین صورتحال آلے پاسے عالمی برادری دی توجہ ݙواوݨ کیتے دنیا دے دارالحکومتاں اچ احتجاجی مظاہرے، ریلیاں، سیمینارز کریندے پئن۔ یوم استحصال کشمیر مناوݨ دی کال کل جماعتی حریت کانفرنس ݙتی اے۔
