ڈھاکہ۔5اگست (اے پی پی) بنگلہ دیش دی وزیراعظم شیخ حسینہ واجد ملک اچ پرتشدد احتجاجی مظاہریاں اچ سینکڑاں لوکاں دے ماریے ونجݨ دے بعد استعفیٰ ݙے تے بھارت ٻھڄ ڳئی۔ بی بی سی دی رپورٹ موجب انٹرنیٹ بند کرݨ اتے کرفیو لاوݨ دے باوجود سنوار کوں مشتعل مظاہرین دارالحکومت ڈھاکا اچ وزیر اعظم دی سرکاری رہائش اچ وڑ ڳئے۔ انہاں اتھ لٹ مار کیتی اتے کڄھ مظاہرین کوں شیخ حسینہ واجد دے گھر توں فرنیچر چاتے ویندیں ہوئیں ݙٹھا ڳئے۔ شیخ حسینہ واجد آپݨی ٻھیݨ دے رَلے ہک فوجی ہیلی کاپٹر اچ ملک توں ٻھج ڳئی جئیں دا رخ بھارت دے شہر اگرتلہ آلے پاسے ہئی۔ رپورٹ موجب بنگلہ دیش دے آرمی چیف جنرل واقرالزماں قوم توں خطاب دی تیاری کریندے پئن۔ بنگلہ دیشی اخبار دے مطابق چوتھی واری وزیر اعظم ٻݨݨ آلی 76 سالہ شیخ حسینہ واجد قوم توں خطاب کرݨ چاہندی ہن پر انہاں کوں موقع نہ مل سڳیا۔
