ڈھاکہ۔5اگست (اے پی پی) بنگلہ دیش دے چیف آف آرمی سٹاف وزیراعظم شیخ حسینہ واجد دے مستعفی تھیوݨ دے بعد ملک دی ساری سیاسی جماعتاں دی سانڄھ نال عبوری حکومت ٻݨاوݨ دا اعلان کیتے۔ ڈھاکہ ٹریبیون دی رپورٹ موجب ہک بیان اچ انہاں آکھیا جو ساری سیاسی جماعتاں دے مشورے نال ملک اچ عبوری حکومت ٻݨاوݨ دا فیصلہ کیتا ڳعے۔ انہاں عوام توں پرتشدد کاروائیاں فوری بند کرݨ دی اپیل کیتی اتے وعدہ کیتا جو احتجاج اچ ماریے ڳئے لوکاں دے لواحقین کوں انصاف ݙتا ویسی۔ ۔ڈھاکہ یونیورسٹی دے شعبہ قانون دے سربراہ پرورفیسر آصف نذرل توں درخواست کیتی ڳئی اے جو او ہک بیان جاری کر تے طلبہ توں احتجاج ختم کرݨ دی اپیل کرن۔ انہاں تصدیق کیتی جو وزیراعظم آپݨے عہدے توں استعفیٰ ݙے تے ملک توں ٻھج ڳئن۔
