لاہور۔7اگست (اے پی پی) پاکستان کرکٹ بورڈ (پی سی بی) دی قومی سلیکشن کمیٹی بنگلہ دیش دے خلاف آئی سی سی ٹیسٹ چیمپئن شپ دی سیریز کیتے 17 رکنی پاکستان کرکٹ سکواڈ دا اعلان کرݙتے۔ ترجمان پی سی بی موجب سیریز دا پہلا ٹیسٹ میچ 21 توں 25 اگست تئیں راولپنڈی کرکٹ سٹیڈیم اچ کھیݙٰیا ویسی۔ ݙوجھا ٹیسٹ کراچی اچ 30 اگست توں 3 ستمبر تئیں تھیسی۔ پاکستان ٹیسٹ سکواڈ دا ٹریننگ کیمپ 11 اگست توں راولپنڈی کرکٹ سٹیڈیم اچ شروع تھیسی۔ ہیڈ کوچ جیسن گلیسپی اتے اسسٹنٹ کوچ اظہرمحمود کیمپ دی نگرانی کریسن۔ بنگلہ دیش دی ٹیسٹ ٹیم 17 اگست دی سویل اسلام آباد پڄسی۔ ٹیسٹ سیریز کیتے پاکستان سکواڈ انہاں کھڈاریاں تے مشتمل اے۔ شان مسعود (کپتان) ، سعود شکیل ( نائب کپتان)، عامر جمال ( فٹنس نال مشروط)، عبداللہ شفیق، ابرار احمد، بابر اعظم، کامران غلام، خرم شہزاد، میر حمزہ، محمد علی، محمد ہریرہ، محمد رضوان ( وکٹ کیپر)، نسیم شاہ، صائم ایوب، سلمان علی آغا، سرفراز احمد (وکٹ کیپر) اتے شاہین شاہ آفریدی شامل ہن۔
