لاہور۔7اگست (اے پی پی) دریائے سندھ اچ چشمہ اتے تونسہ دی ڄاہ تے وچلے درجے دا چھل ، متاثرہ علاقیاں اچ امدادی کم جاری اے، ترجمان پی ڈی ایم اے موجب ڈیرہ غازی خان تونسہ اتے تحصیل کوٹ چٹہ دے دریائے سندھ نال جڑی پںج وستیاں چھل دی پاݨی توں متاثر تھین۔ پی ڈی ایم اے اتے انتظامیہ دی پیشگی اقدامات پاروں کوئی جانی تے مالی ضیان نی تھیا۔ ڈی جی پی ڈی ایم اے عرفان علی کاٹھیا آکھیا جو متاثرہ علاقیاں توں شہریاں اتے انہاں دے مال مویشی کوں ویلھے تے ریسکیو کیتا ڳئے۔ چھل توں متاثرہ علاقیاں اچ اٹھ بوٹس اتے 34 ریسکیو ورکرز امدادی کم کریندے پئن۔ 61 ڄݨے اتے 650 توں ودھ زناوراں کوں ویلھے تے محفوظ ڄاہ تے پڄایا ڳئے۔
